Strählsprüche 2020

Dä City Manager
Nachts isch’s dunkel und i dä Stadt words leer,
ä Lösung isch scho gfunde, en City-Manager moss her.
En wahre Pfundskerle moss er scho si,
ko Johr isch Ziet, doch sell krieg mer hi.
Seller muss koordiniere und kommuniziere,
ich wett‘: ko Johr und der got uf alle Viere.
Viellicht goht’s ihm ja wie dere Einbahnstrassé:
ko Johr isch’s gangä und scho wars passé.
NARRO!


S´Klimagretele

Schtreikä am Fritig und alles vegan,
laufä statt fahrä und Wetterwahn.
So ä Theater sell gabs noch nie,
gmont isch d´Klimahysterie.
So nennt sich sell ganze im Fachjargon,
unser Klimagretele kennt kein Pardon!
NARRO!

D´Donauhallä
D Stadt verlangt immer meh und meh,
des findet da Frohsinn gar nimi schee.
Des alles treibt sich uf die Spitze,
bald momo bim zunftball dussä sitze.
NARRO!

S´Verkehrskonzept
Des Drama ums Verkejrskonzept nimmt ko End,
do könntsch grad nuf uff diä glatte Wänd!
Noch vielem rum und num und tralala,
hät mos jetzt gmacht wies immer war.
Die Frog stellt sich jetzt unverdrossä,
hät do oner sich im ziel verschossä?
NARRO!

Ufflagä
Viel derfsch a dä fasnet nimi mache,
do kasch fangä nur no drüber lachä.
Politsch inkorrekt und rasistisch,
klimaschädlich und sexistisch.
Auflagen und Verbote wäret immer meh,
des isch so langsam nimi schee!
Uns belzä isch sell grad so worscht,
mir gond is häs und hond en dorscht!
NARRO!

Dä Kassäbon
Jetzt giits nit bloß Brot, Brezel un Kuchä,
au no en gratis Kassäbon, s’isch zum fluchä.
D’Grenzä kasch fangä ohne Uswis überquerä,
bim Beck mosch dich mit händ und füass no gege de Beleg wehrä.
Über Sinn und Zweck lot sich do striitä,
am beschtä glii as Finanzamt liite!
NARRO!

Dä Schluss
Oh weh oh weh und eijeijei…
mir sind jetzt fertig mit dä strählerei.
Wenn s euch gfalle hät no simo froh,
und kummet gern wieder, Narro!
NARRO!